စားသုံးရန်မသင့်သောအစားအသောက်များနှင့်ပတ်သက်၍ အများပြည်သူသိရှိရန် အသိပေးကြေညာချက်
ကျန်းမာရေးနှင့်အားကစား၀န်ကြီးဌာနသည် အရည်အသွေးစစ်မှန်ကောင်းမွန်ပြီး ဘေးအန္တရာယ် ကင်းရှင်းသော အစားအသောက်များကို အများပြည်သူတို့ စားသုံးနိုင်ရန် စဥ်ဆက်မပြတ် စိစစ်ဆောင်ရွက် လျက်ရှိပါသည်။ စျေးကွက်များတွင် ရောင်းချလျက်ရှိသောအစားအသောက်များကို ဈေးများ၊ ကျောင်းမုန့်ဈေးတန်း များမှ ၀ယ်ယူစစ်ဆေးရာ အောက်ဖော်ပြပါ အမှတ်တံဆိပ်များဖြင့် ထုတ်လုပ်သော အစားအသောက်များ ၌ အဏုဇီဝသတ်မှတ်ချက်နှင့် ကိုက်ညီမှုမရှိခြင်း၊ ခွင့်မပြုဆိုးဆေးများပါဝင်ခြင်းတို့ကြောင့် စားသုံးရန်မသင့် ကြောင်း အသိပေးကြေညာအပ်ပါသည်။ အစားအသောက်ထုတ်လုပ်၊ ဖြန့်ဖြူး၊ ရောင်းချသူများသည် အစားအသောက်တွင်သုံးစွဲရန် ခွင့်မပြုသောဆိုးဆေးများကို လုံး၀အသုံးမပြုရန်နှင့် လိုက်နာဆောင်ရွက်ခြင်းမရှိပါက အမျိုးသား အစားအသောက်ဥပဒေပုဒ်မ၂၈(က)အရ အရေးယူမည်ဖြစ်ကြောင်း သတိပေးအပ်ပါသည်။
အမှတ်တံဆိပ်နှင့်အစားအသောက်အမျိုးအစားများ
| စဉ် | အစားအသောက်အမည် | အမှတ်တံဆိပ် | တွေ့ရှိချက် |
|---|---|---|---|
| ၁။ | Jelly (ပန်းရောင်) | ရွှေမင်း | Rhodamine B(ခွင့်မပြုဆိုးဆေး) |
| ၂။ | ကြက်သွန်မုန့်ခြောက် | လင်းစန္ဒာ | Orange II (ခွင့်မပြုဆိုးဆေး) |
| ၃။ | ပဲကြီးလှော် | ကောင်းလွန်း | Auramine O (ခွင့်မပြုဆိုးဆေး) |
| ၄။ | ငရုတ်ဆီ | သိန်းပျံ | Orange II (ခွင့်မပြုဆိုးဆေး) |
| ၅။ | ရှာလကာရည် | နဂါး | Orange II (ခွင့်မပြုဆိုးဆေး) |
| ၆။ | ငရုတ်သီးမှုန့် | မြရတီ | (အဏုဇီဝသတ်မှတ်ချက်နှင့် ကိုက်ညီမှုမရှိပါ။) Sudan III (ခွင့်မပြုဆိုးဆေး) |
| ၇။ | ရောင်စုံဝေဖာလုံး | တရုတ်စာတန်း | Rhodamine B (ခွင့်မပြုဆိုးဆေး) |
| ၈။ | ငရုတ်သီးအရောင်တင်မှုန့် | ဟိန်း | အဏုဇီဝသတ်မှတ်ချက်နှင့်ကိုက်ညီမှုမရှိပါ Sudan III (ခွင့်မပြုဆိုးဆေး) |
| ၉။ | ပုဇွန်ငါးပိ | ရွှေပုဇွန် | Rhodamine B (ခွင့်မပြုဆိုးဆေး) |
| ၁၀။ | ငရုတ်သီးအရောင်တင်မှုန့် | ပစ်တိုင်းထောင် | Rhodamine B, Sudan III(ခွင့်မပြုဆိုးဆေး) |
| ၁၁။ | အရောင်တင်မှုန့် | ရွှေသာစည် | Sudan III (ခွင့်မပြုဆိုးဆေး) |
| ၁၂။ | အရောင်တင်မှုန့် | ရွှေပင်ဆင့် | Sudan III (ခွင့်မပြုဆိုးဆေး) |
| ၁၃။ | ငရုတ်ဆီ | ဟိုင်းမင်း | Orange II (ခွင့်မပြုဆိုးဆေး) |
| ၁၄။ | ငရုတ်ဆီ အစပ် | သိန်းမင်း | Orange II (ခွင့်မပြုဆိုးဆေး) |
| ၁၅။ | ငရုတ်ဆီ | ငွေကျေးမင်း | အဏုဇီဝသတ်မှတ်ချက်နှင့် ကိုက်ညီမှုမရှိပါ |
| ၁၆။ | ငရုတ်သီးအစိမ်းမှုန့် | ညိုညို | အဏုဇီဝသတ်မှတ်ချက်နှင့် ကိုက်ညီမှုမရှိပါ |
| ၁၇။ | ဆီတို့ဟူး | ညိုညို | အဏုဇီဝသတ်မှတ်ချက်နှင့် ကိုက်ညီမှုမရှိပါ |
| ၁၈။ | သရက်သီးသနပ် | ညိုညို | အဏုဇီဝသတ်မှတ်ချက်နှင့် ကိုက်ညီမှုမရှိပါ |
| ၁၉။ | နနွင်းမှုန့် | ညိုညို | အဏုဇီဝသတ်မှတ်ချက်နှင့် ကိုက်ညီမှုမရှိပါ |
| ၂၀။ | ချင်းချဥ် | ရွှေပြည်သာ | အဏုဇီဝသတ်မှတ်ချက်နှင့် ကိုက်ညီမှုမရှိပါ |
| ၂၁။ | တုတ်ထိုးသကြားလုံး | အမှတ်တံဆိပ်မပါ | Rhodamine B (ခွင့်မပြုဆိုးဆေး) |
| ၂၂။ | ပဲငါးပိချဥ်စပ် | ကံ့ကော် | အဏုဇီဝသတ်မှတ်ချက်နှင့် ကိုက်ညီမှုမရှိပါ |
| ၂၃။ | ငရုတ်ပွအရောင်တင်မှုန့် | ပုရှယ် | Sudan III (ခွင့်မပြုဆိုးဆေး) |
| ၂၄။ | ငရုတ်ဆီ | ပုံပုံ | Orange II (ခွင့်မပြုဆိုးဆေး) |
| ၂၅။ | ရောင်စုံသကြားလုံး | စူပါ | Rhodamine B , Auramine O, (ခွင့်မပြုဆိုးဆေး) |
| ၂၆။ | ရှယ်မျှင်ငါးပိထောင်း | ရွှေဧရာ | Rhodamine B (ခွင့်မပြုဆိုးဆေး) |
ကျန်းမာရေးနှင့်အားကစားဝန်ကြီးဌာန