အများပြည်သူသိရှိရန်အသိပေးနှိုးဆော်ချက်
၁။ ကျန်းမာရေးနှင့်အားကစားဝန်ကြီးဌာနသည် အရည်အသွေးစစ်မှန်ကောင်းမွန်ပြီး၊ ဘေးဥပါဒ် အန္တရာယ်ကင်းရှင်းကာ အကျိုးအာနိသင်ရှိသောဆေးဝါးများကို အများပြည်သူတို့သုံးစွဲနိုင်ရန် စနစ် တကျစီစဉ်ကွပ်ကဲကြပ်မတ်လျက်ရှိပါသည်။
၂။ အစားအသောက်နှင့်ဆေးဝါးကွပ်ကဲရေးဦးစီးဌာနအနေဖြင့် ဈေးကွက်အတွင်းရှိ ဆေးဝါးများကို စိစစ်ခဲ့ရာ အောက်ဖော်ပြပါ ဆေးဝါး(၁၀)မျိုးသည် မြန်မာနိုင်ငံတွင် မှတ်ပုံတင်ထားခြင်းမရှိသော တရားမဝင်ဆေးဝါးများဖြစ်ကြောင်း စိစစ်တွေ့ရှိရပါသည်။
| စဉ် | ဆေးအမည် | ဆေးဘူး/ ဆေးကဒ်တွင် ဖော်ပြချက် |
|---|---|---|
| ၁။ | Compound Ketoconazole Cream | တရုတ်စာများဖြင့်ဖော်ပြထားပါသည်။ |
| ၂။ | Chlorpheniramine Tablets (Chlorpheniramine maleate 4mg) | K.B P’cal Co. Ltd, Bangkok |
| ၃။ | Cicatrin Powder (Neomycin sulphate BP 3300units/g, Bacitracin Zinc BP 250 units/g) | GlaxoSmithKline Pakistan Ltd, Karachi |
| ၄။ | Chloramphenicol Capsules (Chloramphenicol BP 250mg) | Jiangxi LB P’cal Co. Ltd, P.R.China |
| ၅။ | Chloramphenicol Palmitate Oral Suspension BP [Chloramphenicol 125mg (as Chloramphenicol palmitate BP)]/5ml |
Torque P’cals (P) Ltd |
| ၆။ | Buscopan Tablets (Hyoscine Butylbromide BP 10mg) | Merck(Pvt) Ltd, Pakistan |
| ၇။ | Analjin-500 Tablet (Metamizole sodium 500mg) | Shanxi Hengruida P’cal Co., Ltd, |
| ၈။ | Nifedipine Tablet 10mg | Lin Fen Bao Zhu P’cal Co. Ltd. |
| ၉။ | Cycovit 25 Tablets [(Vitamin B12 (Cyanocobalamin25mcg)] | Chalermchai Ltd, Partnership |
| ၁၀။ | Piyenchin Solution 10ml (Naphazoline HCl solution 1:1000) | Jiangxi Xier Kangtai P’cal Co. Ltd. |
၃။ အများပြည်သူများသည် မြန်မာနိုင်ငံတွင် မှတ်ပုံတင်ထားခြင်းမရှိသောဆေးဝါးများကိုဝယ်ယူ သုံးစွဲခြင်းမပြုကြရန်နှင့် မြန်မာနိုင်ငံတွင် မှတ်ပုံတင်ရရှိထားသောဆေးဝါးများကို ဆရာဝန်ညွှန်ကြား ချက်ဖြင့် ဝယ်ယူသုံးစွဲပါရန်၊ အသိပေးအပ်ပါသည်။ ထို့အပြင် ပြည်သူ့ကျန်းမာရေးအတွက်စောင့်ရှောက် မှုဆောင်ရွက်ပေးသူများအနေဖြင့် မိမိတို့သုံးစွဲနေသည့် ဆေးဝါးများနှင့်ပတ်သက်၍ သံသယဖြစ်ဖွယ် တစ်စုံတစ်ရာရှိပါက သတင်းပေးပို့အကြောင်းကြားနိုင်ပါကြောင်း အသိပေးနှိုးဆော်အပ်ပါသည်။
၄။ ဆေးဝါးတင်သွင်းဖြန့်ဖြူးသည့်ကုမ္ပဏီ၊ ဆေးဝါးရောင်းချသည့်ဆေးဆိုင်များသည် မြန်မာနိုင်ငံ တွင် မှတ်ပုံတင်ထားခြင်းမရှိသောဆေးဝါးများ၊ ဆေးဝါးအတု၊ စံမညီဆေးဝါးများကိုတင်သွင်းဖြန့်ဖြူး ရောင်းချခြင်း(လက်လီ/ လက်ကား) လုံးဝမပြုရန်နှင့် လိုက်နာဆောင်ရွက်ခြင်းမရှိပါက သက်ဆိုင်ရာ အာဏာပိုင်အဖွဲ့အစည်းက အမျိုးသားဆေးဝါးဥပဒေပုဒ်မ(၁၈)အရ တရားစွဲဆိုအရေးယူမည်ဖြစ် ပါကြောင်း အသိပေးအပ်ပါသည်။
ကျန်းမာရေးနှင့်အားကစားဝန်ကြီးဌာန
25,175 thoughts on “အများပြည်သူသိရှိရန်အသိပေးနှိုးဆော်ချက်”