ဆေးပစ္စည်းကိရိယာဥပဒေမူကြမ်းနှင့်စပ်လျဉ်း၍ ညှိနှိုင်းခြင်းအစည်းအဝေးသို့ ညွှန်ကြားရေးမှူးချုပ်ပါမောက္ခဒေါက်တာခင်ဇော်ဦးဆောင်သောအဖွဲ့တက်ရောက်

၂၀၂၀ပြည့်နှစ်၊ဇူလိုင်လ (၁၅)ရက်နေ့၊ နေပြည်တော်

အမျိုးသားလွှတ်တော်ဥပဒေကြမ်းကော်မတီသည်ဆေးပစ္စည်းကိရိယာဥပဒေကြမ်းနှင့်စပ်လျဉ်း၍ နေပြည်တော်ရှိ အမျိုးသားလွှတ်တော်၊ ဥပဒေကြမ်းကော်မတီ၊ အစည်းအဝေး ခန်းမ၊(ရေးရာဆောင်အမှတ်-၁၆)တွင်ကျင်းပပြုလုပ်ခဲ့ရာ အစားအသောက်နှင့်ဆေးဝါးကွပ်ကဲရေးဦးစီးဌာနမှညွှန်ကြားရေးမှူးချုပ်၊ဒုတိယညွှန်ကြားရေးမှူးချုပ်(တိုင်းဒေသကြီး /ပြည်နယ်)နှင့်ညွှန်ကြားရေးမှူး(ဆေး ပစ္စည်းနှင့်အလှကုန်/လူသုံးကုန်)တို့ပါဝင်သော တာဝန်ရှိသူများအဖွဲ့ တက် ရောက် ဆွေးနွေးခဲ့ပါသည်။ အဆိုပါဥပဒေကြမ်းအပေါ်အကြံပြုချက်များအားဥပဒေကြမ်းကော်မတီဝင်များ နှီးနွယ် ဝန်ကြီးဌာနများ၊လုပ်ငန်ရှင်များ နှင့်အစားအသောက်နှင့်ဆေးဝါးကွပ်ကဲ ရေးဦးစီးဌာနတို့ ညှိနိုင်းဆွေးနွေးခဲ့ကြပါသည်။
ယခုအချိန်တွင်အာဆီယံဆေးပစ္စည်းကရိယာဆိုင်ရာသဘောတူညီချက်(ASEAN Medical Device Directive)ပါစည်းမျဉ်းများအတိုင်းကျင့်သုံးဆောင်ရွက်လျက် ရှိပြီး ထိုသဘောတူညီချက်အရဥပဒေပြဌာန်းကျင့်သုံးနိုင်ရေးအတွက်ဆောင်ရွက် လျှက်ရှိပါသည်။ အဆိုပါဥပဒေထွက်ပေါ်လာပါက ဆေးပစ္စည်း(Medical Device) များ ဘေးအန္တရာယ်ကင်းရှင်းပြီးအကျိုးအာနိသင်ရှိသော ဆေးပစ္စည်း ကိရိယာ များသုံးစွဲနိုင်ရန် အတွက်မှတ်ပုံတင်ခြင်း ပြည်တွင်း၌ထုတ်လုပ်ခြင်း၊ ပြည်တွင်းသို့တင်သွင်းခြင်း၊ ပြည်ပသို့တင်ပို့ခြင်း၊ သိုလှောင်ခြင်းနှင့်ဖြန့်ဖြူး ရောင်းချခြင်းလုပ်ငန်းများအားပိုမို စနစ်တကျ ကြီးကြပ်ကွပ်ကဲနိုင်မည်ဖြစ်ပါ သည်။