ယိုစုံများနှင့် ပတ်သက်၍ အများပြည်သူသိရှိရန် အသိပေးနှိုးဆော်ချက်
ကြေးမုံသတင်းစာ စာမျက်နှာ ၁၃ ( ၆-၁၀-၂၀၀၅ )
၁။ ကျန်းမာရေးဝန်ကြီးဌာနသည် အရည်အသွေးစစ်မှန် ကောင်းမွန်ပြီး ဘေးအန္တရာယ်ကင်းရှင်းသော အစားအသောက်များကို အများပြည်သူတို့စားသုံးရန်နှင့် အစားအသောက်များ၏ အရည်အသွေးကို စဉ်ဆက်မပြတ် ထိန်းသိမ်းနိုင်ရေးအတွက် စီစစ်ဆောင်ရွက်လျက်ရှိပါသည်။
၂။ ဈေးကွက်များတွင် ယိုစုံနမူနာများကို ၀ယ်ယူစီစစ်ခဲ့ရာ အောက်ဖော်ပြပါ ယိုစုံအမှတ်တံဆိပ်များမှာ
ကျန်းမာရေးဦးစီးဌာန၏ အစားအသောက််ထုတ်လုပ်ခြင်း ထောက်ခံချက်လက်မှတ်ရရှိထားခြင်း မရှိ သည့်အပြင် ဓာတ်ခွဲစစ်ဆေးချက်အရ အစားအသောက် သုံးခွင့်မပြု ဆိုးဆေးအသုံးပြုထားသဖြင့် စားသုံးရန် မသင့်သော ယိုစုံများဖြစ်ကြောင်း သတိပေးအပ်ပါသည်။
| စဉ် | ယိုစုံအမှတ်တံဆိပ် |
|---|---|
| ၁။ | “ရွှေစင်” ပြင်ဦးလွင်မက်မန်း |
| ၂။ | “တောင်ပေါ်သားလေးစိုင်းစိုင်း” တရုတ်ဆီးသီးအစေ့လွတ် |
| ၃။ | “ABC”မက်မန်း (မက်မန်းနှင့် သစ်သီးယိုစုံ) |
၃။ ကျန်းမာရေးဦးစီးဌာန၏ အစားအသောက််ထုတ်လုပ်ခြင်း ထောက်ခံချက်လက်မှတ်ရရှိထားသော အစားအသောက်(ယိုစုံ)များမှာ အရည်အသွေး အာမခံချက်ရှိပြီး အန္တရယ်ကင်းစင်ကြောင်းဖော်ပြအပ် ပါသည်။
၄။ ကျန်းမာရေးဦးစီးဌာန၏ အစားအသောက််ထုတ်လုပ်ခြင်း ထောက်ခံချက်လက်မှတ်ရရှိထားခြင်း မရှိ သေးပဲ အစားအသောက်(ယိုစုံ)များ ထုတ်လုပ်ခြင်းမပြုလုပ်ပါရန်နှင့်လိုက်နာဆောင်ရွက် ခြင်းမရှိပါက သက်ဆိုင်ရာအာဏာပိုင်အဖွဲ့အစည်းက တည်ဆဲဥပဒေအရ အရေးယူမည်ဖြစ်ကြောင်း
သတိပေးအပ်ပါသည်။
ကျန်းမာရေးဝန်ကြီးဌာန